Geluksknikker

ik hofde d'r echt niks vur te doon

ik keek anr boete en ik ging

op mien zelfde alde schoon

een ik deej gewoen mien ding

oet 't niks begos d'n daag

'n tas koffie bij de krant

di vur meej op de taffel laag

ik ging blind op mien verstand

***

alles leep zoeals 't leep

brave jong zoeals 't huurd

zaag aalt 'n denkbieldige streep

en doar bleef ik oet de buurt

mar inens kreeg ik 't benauwd

ik waas danig van de leg

op enne merge ging 't fout

mienne geluksknikker waas weg

***

oh wat 'm pech

mienne geluksknikker waas weg

wat enne tied

miene geluksknikker waas kwiet

jonge, jonge, wat 'n pech

mienne geloksknikker waas weg

***

de betoevering verbrook

ik ging van de hugste plank

ik keek nar onder en ik dook

nar 't zwembad dat stong blak

genne engel di meej ving

de val gebroake dor 'n heg

toen ik steil nar onder ging

mienne geluksknikker waas weg

***

ik woord wakker en ik keek

't vulde als 'n nij begin

toen ik dor miene oege streek

en 'n licht nar binne scheen

roeie gloed op 't plafond

't waas nog duuster mar ik zaag

'm strale an de horizon

op enne splinternijje daag

(Jack Poels)